განათლების განვითარების და დასაქმების ცენტრმა, პროექტის “ევროკავშირი ახალგაზრდებისთვის” ფარგლებში, შიდა ქართლსა და სამეგრელოს რეგიონებში დუალური განათლების სასწავლო პროგრამების წარმატებულ კურსდამთავრებულებს პროფესიული საქმიანობის განხორციელებისთვის საჭირო ინსტრუმენტები გადასცა.
დუალური პროფესიული განათლების სასწავლო პროგრამებს, განათლების განვითარების და დასაქმების ცენტრი (EDEC) და ლტოლვილთა დანიის საბჭო (DRC), პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში, ევროკავშირის ფინანსური მხარდაჭერით ახორციელებს.
