ქუთაისის შეზღუდული შესაძლებლობის მქონე ბავშვთა დღის ცენტრს „ჯადოსნური სამყარო“ და სოციალურ საწარმოს „ფარშევანგი“ Erasmus +-ის პროექტის მონაწილეები სტუმრობდნენ.
სტუმრები სოციალური საწარმოს „ფარშევანგის“ მუშაობას გაეცნენ. მათ ასევე მიიღეს ინფორმაცია, თუ რა როლს თამაშობს საწარმო შეზღუდული შესაძლებლობის მქონე პირთა ეკონომიკური გაძლიერებისთვის.
დღის ცენტრს 11 ქვეყნის 40 წარმომადგენელი სტუმრობდა. მათ ქვილინგის მასტერკლასი ჩაუტარდათ. დღის ცენტრის სტუმრებმა შეზღუდული შესაძლებლობის მქონე პირების მიერ დამზადებული ბარათები შეიძინეს.
ვიზიტი ორგანიზაციის „სტუდენტურ-ახალგაზრდული სათათბირო” ინიციატივით განხორციელდა.
