21 ივნისს, ბაღდათში მოსახლეობის ფორუმი გაიმართა

2023 წლის 21 ივნისს, განათლების განვითარების და დასაქმების ცენტრის ორგანიზებით, ბაღდათის მუნიციპალიტეტის სოფელ დიმის საჯარო სკოლაში , მოსახლეობის ფორუმი გაიმართა, რომელიც 2024 წლის ადგილობრივი ბიუჯეტის პრიორიტეტების განხილვასა და დაგეგმვას მიეძღვნა.

მოსახლეობის ფორუმის ორგანიზებას წინ უძღვოდა ბაღდათის მუნიციპალიტეტის მერიისა და ადგილობრივი თემის წარმომადგენელთა მომზადება ფორუმის საორგანიზაციო და ფასილიტაციის ტექნიკებში.

ღონისძიების მსვლელობაში 100–ზე მეტმა ადგილობრივმა მაცხოვრებელმა მიიღო მონაწილეობა, შეაფასა მუნიციპალიტეტის მერიის მიერ ინიცირებული პროგრამები და წარადგინა წინადადებები ცვლილებებთან დაკავშირებით.

მოსახლეობის ფორუმის სამუშაო მიმართულებები იყო: ინფრასტრუქტურა, კულტურა და ხელოვნება, განათლება, სოფლის მეურნეობის განვითარება, ტურიზმის განვითარება და მეწარმეობა, გარემოს დაცვა, თავდაცვა, სოციალური საკითხები, სპორტი, ახალგაზრდობა.

ფორუმის დასრულებისთანავე, საორგანიზაციო კომიტეტი განიხილავს მონაწილეთა წინადადებებს, მოამზადებს რეკომენდაციების დოკუმენტს და წარუდგენს გადაწყვეტილების მიმღებ პირებს მომავალი წლის ბიუჯეტში გასათვალისწინებლად.

მიმდინარე წლის სექტემბრის თვეში, მოეწყობა საანგარიშგებო ფორუმი, სადაც მუნიციპალიტეტის მერი მოსახლეობას 2024 წლის ბიუჯეტის საბოლოო პროექტს გააცნობს.

ღონისძიება ხორციელდება პროექტის: „მოქალაქეთა გაძლიერება ადგილობრივ მმართველობაში მდგრადი განვითარების მიზნით“ ფარგლებში, რომელსაც განათლების განვითარების და დასაქმების ცენტრი (EDEC) გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით ახორციელებს.

2024 წლის 25 მაისს, კაჭრეთში, სასტუმრო  „ამბასადორში“, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და მედია ცენტრი
2024 წლის 26 აპრილს, ბათუმში, სასტუმრო „რედისონში“, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და აჭარის რეგიონული
2024 წლის 25 აპრილს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის –
Skip to content