25 ივნისს პროექტის „დევნილთა უფლებების დაცვა COVID–19 კრიზისის დროს საქართველოში“ შემაჯამებელი ღონისძიება გაიმართება

25 ივნისს განათლების განვითარების და დასაქმების ცენტრი (EDEC) პროექტის „დევნილთა უფლებების დაცვა COVID-19 კრიზისის დროს საქართველოში“ შემაჯამებელ ღონისძიებას გამართავს.

ღონისძიების პირველი ნაწილი ბაღდათში, სოფელ ობჩაში ჩატარდება, სადაც პროექტის ბენეფიციარებისთვის საწარმოში „ბაიას ღვინო“ აგროტური მოეწყობა. მეწარმე ბაია აბულაძე ახალგაზრდებთან ინსპირაციულ შეხვედრას გამართავს თემაზე „მეწარმეობა და ქალის აქტიური როლი მეწარმეობის განვითარებაში“.

ღონისძიების მეორე ნაწილი გაიმართება ქუთაისში, სადაც შრომისა და ორგანიზაციის ფსიქოლოგიის მაგისტრი, საქართველოს აგრარული და თავისუფალი უნივერსიტეტების მოწვეული ლექტორი ანა გაბესკირია ინსპირაციულ შეხვედრას გამართავს თემაზე „სოციალური გავლენები და სტერეოტიპები პროფესიის შერჩევის პროცესში, პროფესიაში წარმატების მიღწევისა და ხელისშემშლელი ფაქტორების გააზრება“.

ღონისძიების ბოლოს დაგეგმილია პროექტის ფარგლებში განხორციელებული აქტივობების შეჯამება/პრეზენტაცია და თანასწორგანმანათლებელთა ტრენინგ-კურსის მონაწილეებისთვის სერთიფიკატების გადაცემა.

გაეროს განვითარების პროგრამის (UNDP) მიერ მხარდაჭერილი პროექტი, რომელიც EDEC–მ იმერეთში, შიდა ქართლსა და სამეგრელოში–ზემო სვანეთში განახორციელა, მიზნად ისახავდა ახალგაზრდების საჭიროებებზე რეაგირებას და მათი ჩართულობის ხელშეწყობას COVID-19–თ გამოწვეული კრიზისის საპასუხო აქტივობების განვითარება-განხორციელებაში და საზღვრისპირა სოფლების მიმდებარედ მცხოვრები, კონფლიქტის შედეგად დაზარალებული ახალგაზრდა ქალების მეწარმეული უნარების განვითარებას.

პროექტის ფარგლებში დაინერგა თანატოლთა განათლების პროგრამა. სამიზნე რეგიონებში გადამზადდა 30 ახალგაზრდა. მათ ცოდნა გაიღრმავეს ისეთ საკითხებში, როგორიცაა ადამიანის უფლებები; COVID-19 ვირუსის პრევენცია სასწავლო დაწესებულებებში; ოჯახური ძალადობა; მრავალფეროვნება, ტოლერანტობა და მშვიდობის მშენებლობა. ახალგაზრდების მოტივირების მიზნით ჩატარდა შეხვედრები ცნობილ სახეებთან, მათ შორის – ალერგოლოგ–იმუნოლოგ ბიძინა კულუმბეგოვთან, იურისტ გიორგი მშვენიერაძესთან და ევანგელისტურ–ბაპტისტური ეკლესიის ეპისკოპოს რუსუდან გოცირიძესთან.

მიღებული ცოდნა თანატოლგანმანათლებლებმა საინფორმაციო შეხვედრების გზით სამიზნე რეგიონებში საჯარო სკოლების მოსწავლეებსა და დევნილთა დასახლებებში მცხოვრებ ახალგაზრდებს გაუზიარეს.

პროექტის მონაწილეებისთვის ჩატარდა დიზაინის კონკურსი „მშვიდობა და ადამიანის უფლებები“. ტრენინგ–კურსის მონაწილეებმა წარმოადგინეს ლოგო/სიმბოლო, რომელიც ყველაზე კარგად ასახავდა მშვიდობის მშენებლობისა და ადამიანის უფლებების დაცვის იდეას. 4 გამარჯვებული სიმბოლოთი დამზადდა სხვადასხვა ბრენდირებული ნივთები, რომლებიც თანასწორგანმანათლებლებმა საინფორმაციო შეხვედრებზე დამსწრე ახალგაზრებს გადასცეს.

გარდა ამისა, პროექტის ფარგლებში 40 ახალგაზრდა ქალს სამეწარმეო უნარების განვითარების მიზნით ონლაინ-ტრენინგი ჩაუტარდა. ორგანიზაციამ მათთვის ასევე მენტორინგისა და კონსულტაციის სერვისები უზრუნველყო.

Share on facebook
Share on twitter
Share on linkedin
14 ივნისს, ქალაქ ქუთაისში, შეზღუდული შესაძლებლობების მქონე პირთა უფლებების დაცვის დღეს, პრეზიდენტის ადმინისტრაციისა და სსიპ დასაქმების ხელშეწყობის სახელმწიფო სააგენტოს ორგანიზებით შშმ პირთა დასაქმების ფორუმი,
15 ივნისს, 11:00 საათიდან 15:00 საათამდე, განათლების განვითარების და დასაქმების ცენტრი და აჭარის ავტონომიური რესპუბლიკის დასაქმების სააგენტო, დასაქმების მხარდაჭერის სახელმწიფო სააგენტოსთან და საქართველოს გაეროს
20 მაისს, 11:00 საათიდან 14:00 საათამდე განათლების განვითარების და დასაქმების ცენტრის ორგანიზებით, ქ. გორში, გორის მუნიციპალიტეტის ადმინისტრაციული შენობის მიმდებარედ (სტალინის ქუჩა #16) დასაქმების ფორუმი
Skip to content