“ჩვენ გვსურს გავზარდოთ ცნობიერება ახალგაზრდებში გარემოსდაცვითი და მოხალისეობრივი საქმიანობებისადმი, დავანახოთ ადამიანებს თუ როგორ და რას უშავებენ საკუთარ სახლს – დედამიწას, ხოლო შემდგომ ვაჩვენოთ მათ ალტერნატიული, მდგრადი გამოსავალი ნარჩენების მართვის მიმართულებით”. – ფატიმა ეჯიბია, მასწავლებელი, ეკოკლუბ “დაფიონას” ხელმძღვანელი
სსიპ ზუგდიდის მუნიციპალიტეტის სოფელ დარჩელის #2 საჯარო სკოლაში მოქმედი ეკოკლუბი “დაფიონა” 2019 წლიდან ჩართულია CENN – ის მიერ გამოცხადებულ კონკურსში “ნიკო კეცხოველის სასკოლო პრემია”, რომლის ფარგლებში მრავალი გარემოსდაცვითი და მოხალისეობრივი აქტივობები განხორციელდა მდგრადი განვითარების მიზნების შესაბამისად და სამჯერ ნახევარფინალისტიც გახდა.
განათლების განვითარებისა და დასაქმების ცენტრის მიერ გამოცხადებულ მცირე საგრანტო კონკურსში მონაწილეობის იდეა გაჩნდა გარემოსდაცვის საკითხების წინ წამოწევისა და მოხალისეობის მნიშვნელობის პოპულარიზაციის მიზნით. წარვადგინეთ პროექტი „მოხალისეობის როლი გარემოს მდგრად განვითარებაში“, რომელიც კონკურსის ერთ-ერთი გამარჯვებული გავხდით. პროექტის ფარგლებში გვინდა გავზარდოთ ცნობიერება ახალგაზრდებში გარემოსდაცვითი და მოხალისეობრივი საქმიანობებისადმი, დავანახოთ ადამიანებს თუ როგორ და რას უშავებენ საკუთარ სახლს – დედამიწას, ხოლო შემდგომ ვაჩვენოთ მათ ალტერნატიული, მდგრადი გამოსავალი ნარჩენების მართვის მიმართულებით.
თანამედროვე ადამიანი თავისი საქმიანობით ყოველდღე უდიდეს ზიანს აყენებს საკუთარ საცხოვრებელ გარემოს და ხელს უწყობს ისეთი შეუქცევადი პროცესების განვითარებას, რასაც ხშირად სავალალო შედეგებიც კი მოაქვს. პროექტის მიზანია მდგრადი, განვითარებული გარემოსა და გარემოზე მზრუნველი თემის ჩამოყალიბება, რასაც ეკოკლუბი „დაფიონა“ წარმატებით ახორციელებს. პროექტის მიზანია მდგრადი, განვითარებული გარემოსა და გარემოზე მზრუნველი თემის ჩამოყალიბება.
