ქუთაისის ახალგაზრდულმა ცენტრმა აკაკი წერეთლის სახელმწიფო უნივერსიტეტის სტუდენტებს ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა (PITA) გააცნო.
პრეზენტაციის მიზანს პროგრამის ახალგაზრდული კომპონენტის მიზნების, ამოცანების, დაგეგმილი ღონისძიებებისა და არსებული მიღწევების შესახებ სტუდენტების ინფორმირება წარმოადგენდა.
პრეზენტაცია გაიმართა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. იმერეთში პროგრამის პარტნიორია ქუთაისის განათლების განვითარების და დასაქმების ცენტრი (KEDEC).
