სოციალური მეწარმეობის პროექტის ფარგლებში ცხადდება „იდეების კონკურსი“ სოციალური საწარმოს დაფუძნების მსურველთათვის.
საგრანტო კონკურსის მიზანია, საქართველოში სხვადასხვა სოციალური მისიის მქონე წარმატებული საწარმოების დაფუძნება და ამ გზით სოციალური მეწარმეობის განვითარების ხელშეწყობა.
სოციალური მისიის მქონე, ინოვაციური ბიზნესიდეის ავტორებს საშუალება ეძლევათ მონაწილეობა მიიღონ 2-ეტაპიან საგრანტო კონკურსში და რეალობად აქციონ საკუთარი იდეა.
კონკურსი ცხადდება პროექტის „სოციალური მეწარმეობა – ინოვაციური მიდგომა ეკონომიკური და სოციალური ცვლილებებისთვის“ ფარგლებში.
პროექტი “სოციალური მეწარმეობა – ინოვაციური მიდგომა სოციალური და ეკონომიკური ცვლილებებისთვის” ხორციელდება საქართველოს სტრატეგიული კვლევების და განვითარების ცენტრის(CSRDG), განათლების განვითარების და დასაქმების ცენტრის (KEDEC) და არბაითერ-სამარიტერ-ბუნდის (ASB) მიერ, ევროკავშირის ფინანსური მხარდაჭერით.
