დასაქმების კონსულტანტებისთვის ტრენინგ–კურსი დაიწყო

დღეს, ქალაქ ბორჯომში, ევროკავშირის მიერ მხარდაჭერილი პროექტის „ისწავლე დასაქმებისთვის“ ფარგლებში, განათლების განვითარების და დასაქმების ცენტრის, კარიერული კონსულტაციისა და დასაქმების სერვის ცენტრების, აჭარის დასაქმების სააგენტოს და დასაქმების ხელშეწყობის სახელმწიფო სააგენტოს წარმომადგენელთათვის ტრენინგ–კურსი „კარიერის დაგეგმვა და მართვა“ დაიწყო.

კურსის მიზანია კარიერის დაგეგმვის სერვისებში ჩართულმა კონსულტანტებმა გაიაზრონ კარიერის დაგეგმვის და მართვის არსი, მიზანი და პროცესი; გაეცნონ სხვა ქვეყნების გამოცდილებას და საუკეთესო პრაქტიკებს; შეიძინონ თეორიული და პრაქტიკული ცოდნა და უნარები კარიერის დაგეგმვისა და მართვის დროს საჭირო ინსტრუმენტების, ტექნიკების და მეთოდების შესახებ.

ტრენინგ–კურსი, რომელიც სექტემბრის ბოლომდე გაგრძელდება, რამდენიმე კომპონენტს მოიცავს. მის ფარგლებში, დასაქმების კონსულტანტები ერთ თვიან ონლაინ ტრენინგებსა და ქოუჩინგს გაივლიან.

ტრენინგებს უძღვებიან ინსტიტუციური და შესაძლებლობების განვითარების ცენტრის (ICDC) ექსპერტები.

პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდ „აფხაზინტერკონტი“-სა (AIC) და გურიის ახალგაზრდულ რესურსცენტრთან (GYRC) ერთად, ევროკავშირის ფინანსური მხარდაჭერით ახორციელებს.

30 ნოემბერს, ბათუმში, განათლების განვითარების და დასაქმების ცენტრმა (EDEC) აჭარის დასაქმების სააგენტოსთან პარტნიორობით (EAARA) პროექტის “ჩემი სახლის მმართველი – სწავლა მომავლისთვის დახურვის ღონისძიება გამართა.
„ორგანიზაციის დაარსების უპირველესი მიზანი ახალგაზრდებისთვის მოტივაციის და ბიძგის მიცემაა, ჩვენ, ახალი თაობა, დიდი ძალა ვართ და შეგვიძლია შეცვალოთ ირგვლივ არსებული არაჯანსაღი გარემო“  პროექტი „ახალგაზრდები
განათლების განვითარების და დასაქმების ცენტრი (EDEC) აცხადებს ახალგაზრდების სამოქალაქო ინიციატივების საგრანტო კონკურსს  მცხეთა-მთიანეთის რეგიონის საზოგადოებრივი და სათემო ორგანიზაციებისთვის, რეგისტრირებული საინიციატივო ჯგუფებისთვის და მედია ორგანიზაციებისთვის
Skip to content