პროფესიული გადამზადების პროგრამის მონაწილე ბათუმში დასაქმდა

28 წლის კონსტანტინე წულაძე სულ რამდენიმე კვირაა, რაც სასტუმრო ჰილტონში ფინანსური ანალიტიკოსის პოზიციაზე დასაქმდა.

კონსტანტინემ განათლების განვითარების და დასაქმების ცენტრს (EDEC) კარიერული განვითარების და დასაქმების მიზნით მიმართა. EDEC–ის დასაქმების კონსულტანტმა შეაფასა მისი უნარები და ინტერესები, რომლის საფუძველზე, სპეციალურად მისთვის, შეიქმნა გაყიდვების კოორდინატორის მოკლევადიანი პროფესიული მომზადება/გადამზადების საგანმანათლებლო პროგრამა.  პროგრამის ფარგლებში მან ბათუმში სასტუმრო ჰილტონის ბაზაზე გაიარა 200 საათიანი სასწავლი კურსი, რომელიც მოიცავდა სამუშაოზე მიმაგრებულ თეორიულ და პრაქტიკულ სწავლებას. 120 საათიანი ანაზღაურებადი სტაჟირების დასრულების შემდეგ, კონსტანტინე ამავე სასტუმროში წარმატებით დასაქმდა.

„დიდი ხანია ორგანიზაცია EDEC-თან ვმეგობრობ, 2015 წლიდან ჩართული ვიყავი სხვადასხვა პროექტებში. თავდაპირველად,  EDEC–ის შუამდგომლობით სამი თვის განმავლობაში ვმუშაობდი დემოკრატიული ჩართულობის ცენტრში (CCE). რაც შეეხება ამ პროექტს, რომლის ფარგლებშიც ჰილტონში დავსაქმდი, მოსვლის დღიდან აქტიურად ვმონაწილეობდი გადამზადების ტრენინგში. სასტუმროს სპეციფიკიდან გამომდინარე, შევისწავლე ისეთი პროგრამები, რომელიც საჭიროა სასტუმროს საქმიანობის ტექნიკური მხარდაჭერისთვის. ჩემთვის განსაკუთრებით მნიშვნელოვანი იყო სტაჟირების ეტაპი, რადგან შევიძინე ბევრი პრაქტიკული უნარები და ცოდნა, რასაც დღეს აქტიურად ვიყენებ. ამჟამად ვმუშაობ რამდენიმე მიმართულებით. ჩემს პასუხისმგებლობებში შედის როგორც გაყიდვების, ისე კომერციული დეპარტამენტიდან მიღებული დავალებების შესრულება” – აღნიშნავს კონსტანტინე.

გაყიდვების კოორდინატორის მოკლევადიანი პროფესიული მომზადება/გადამზადების საგანმანათლებლო პროგრამა განათლების განვითარების და დასაქმების ცენტრმა (EDEC) სსიპ აჭარის ავტონომიური რესპუბლიკის დასაქმების სააგენტოს (EAARA) ქვეპროგრამის „დასაქმების ხელშეწყობის უზრუნველყოფა” ქვეპროგრამა „შშმ პირთა პროფესიული გადამზადება და დასაქმების ხელშეწყობის მიზნით“ სატრენინგო მომსახურების უზრუნველყოფის ფარგლებში განახორციელა.

თანამშრომლობა პროექტის „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ ფარგლებში შედგა, რომელსაც განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდ „აფხაზინტერკონტი“-სა (AIC) და ინოვაციების და ცვლილებების ინსტიტუტთან (ICI) ერთად, ევროკავშირის ფინანსური მხარდაჭერით ახორციელებს.

განათლების განვითარების და დასაქმების ცენტრმა (EDEC), ახალციხის ახალგაზრდული საბჭოს წევრებისთვის ვორქშოფი გამართა თემაზე „ახალგაზრდული საქმიანობის ფუნქცია, როლი და სარგებელი მუნიციპალური ახალგაზრდული საქმიანობის განვითარების პროცესში“,  რომლის მიზანს
ელისო თეიმურაზიშვილი ამჟამად საქართველოს ფოსტაში სერვის ცენტრის გაყიდვების ოპერატორის პოზიციაზე მუშაობს. „ ადამიანები ხშირად, ერთ ადგილას ყოფნას ვეჩვევით. წინ წასვლის დიდი სურვილი გვაქვს, მაგრამ გვეშინია.
განათლების განვითარების და დასაქმების ცენტრმა (EDEC), რეგიონულ ჰაბ ორგანიზაციებთან თანამშრომლობით და მოწვეული ექსპერტების მონაწილეობით,  ზუგდიდის, ბათუმის, ლანჩხუთის, ბოლნისის და ბაღდათის  ახალგაზრდული საბჭოს წევრებისთვის ვორკშოფები
Skip to content