სამეწარმეო სკოლის კურსდამთავრებულთა მონაწილეობით მეწარმეთა ონლაინ B2B ფორუმი ჩატარდა

13 ოქტომბერს პროექტის „ევროკავშირი ახალგაზრდებისთვის“ ფარგლებში სამეწარმეო სკოლის კურსდამთავრებულთა მონაწილეობით მეწარმეთა ონლაინ B2B ფორუმი ჩატარდა.

ღონისძიება ე.წ. ჰიბრიდულ ფორმატში გაიმართა, რომელიც გულისხმობდა ფიზიკური ღონისძიებისა და ვირტუალური B2B შეხვედრების კომბინირებულ რეჟიმში წარმართვას.

ღონისძიებაზე წარმოდგენილი იყო 15 მეწარმე შიდა ქართლის და სამეგრელოს რეგიონებიდან, რომლებმაც წარმატებით დაასრულეს პროექტის ფარგლებში დაარსებული „სამეწარმეო სკოლა“, მისი დახმარებით შეძლეს საკუთარი საქმის წამოწყება და განავითარეს ბიზნესი ისეთი მიმართულებებით როგორებიცაა ხელნაკეთი ნივთების წარმოება, ტურისტული სააგენტო, ესთეტიკის ცენტრი, სწრაფი კვების ობიექტი და ჩირის საწარმო.

ფორუმის მეშვეობით, დამწყები მეწარმეები 50–მდე კომპანიის წარმომადგენლებს შეხვდნენ. შეხვედრებზე შედგა მეწარმეების პროდუქციის განხილვა, მიღწეულ იქნა არაერთი შეთანხმება და დაიგეგმა სამომავლო თანამშრომლობა.

ონლაინ ფორუმი სიტყვით გახსნა განათლების განვითარების და დასაქმების ცენტრის (EDEC) გამგეობის თავმჯდომარემ – ლიკა კილაძემ. ღონისძიების მონაწილეებს ასევე სიტყვით მიმართეს „ევროკავშირის წარმომადგენობა საქართველოში“ პროგრამების მენეჯერმა ნინო სამველიძემ, „ლტოლვილთა დანიის საბჭოს“ პროექტების მენეჯერმა ნინო ხოხობაიამ და „ახალგაზრდობის სააგენტოს“ ხელმძღვანელის მოადგილე ქრისტინა კაპანაძემ.

პროექტი – „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ – იძულებით გადაადგილებული და კონფლიქტის შედეგად დაზარალებული ახალგაზრდების საარსებო წყაროების გაძლიერებასა და საზოგადოებრივ ცხოვრებაში მათი აქტიური მონაწილეობის ხელშეწყობას, ასევე, განათლების, დასაქმებისა და სამეწარმეო საქმიანობებში მათი ჩართვის ხელმისაწვდომობის გაზრდას ისახავს მიზნად.
პროექტს საქართველოში ახორციელებს განათლების განვითარების და დასაქმების ცენტრი (EDEC) და ლტოლვილთა დანიის საბჭო (DRC), ევროკავშირის ფინანსური მხარდაჭერით.

დასრულდა ექვსდღიანი ტრენერთა ტრენინგის პირველი ეტაპი სოციალური მეწარმეობის თემაზე, რომელიც ონლაინ ფორმატით გაიმართა და კონკურსის შედეგად შერჩეული იმერეთისა და შიდა ქართლის სკოლების 17 მასწავლებელი
6 ივნისს, ზუგდიდში, განათლების განვითარების და დასაქმების ცენტრის და სამეგრელო-ზემო სვანეთის რეგიონული ჰაბის  ორგანიზებით,  რეგიონში მცხოვრები ახალგაზრდებისთვის ვორკშოპი ჩატარდა. ახალგაზრდებში მოხალისეობის კულტურის პოპულარიზაცია,  სამოქალაქო
28-31 მაისს, პროექტის „ჩემი სახლის მმართველი პროფესიული კვალიფიკაცია“ ფარგლებში, განათლების განვითარების და დასაქმების ცენტრის (EDEC) პარტნიორი კოლეჯების „კონსტრუქტ2“, „ახალი ტალღა“, „ბლექსი“ და „ბათუმის სახელმწიფო
Skip to content