ქუთაისის ახალგაზრდული ცენტრის ორგანიზებით სამოქალაქო ჩართულობის ფორუმი გაიმართა

25 ოქტომბერს, PITA ქუთაისს ახალგაზრდულმა ცენტრმა, World Vision საქართველოს, საქართველოს ახალგაზრდა ეკონომისტთა ასოციაციის და საქართველოს სოციალურ მუშაკთა ასოციაციის პროექტის ძლიერი სამოქალაქო საზოგადოება ეფექტიანი მმართველობისათვის“ ფარგლებში სამოქალაქო ჩართულობის ფორუმი გამართა.

ფორუმის მიზანს წარმოადგენდა ახალგაზრდების აქტიურად ჩართვა სამოქალაქო საზოგადოებაში მიმდინარე და გადაწყვეტილების მიღების პროცესებში, პასუხისმგებლობების განაწილების შესახებ ღია დიალოგის გამართვა, გამოკვეთილ პრობლემებზე დაყრდნობით კონკრეტული ინიციატივების მომზადება, ადვოკატირება და განახორცილება ადგილობრივ დონეზე.

მონაწილეები სამუშაო ჯგუფებად დაიყვნენ და წამოაყენეს თავიანთ წინადადებები, გაუზიარეს ერთმანეთს იდეები. შეხვედრის შედეგად გამოვლინდა ქალაქში არსებული პრობლემები ისეთ მნიშვნელოვან საკითხებთან დაკავშირებით, როგორიცაა: განათლება, ეკოლოგია/გარემოსდაცვა და ინფრასტრუქტურა.

ფორუმის მონაწილეებს, ქუთაისის ვიცე-მერმა, ნინო თვალთვაძემ ონლაინ პორტალი VOLIS.KUTAISI.GOV.GE გააცნო, რომლის საშუალებით მოქალაქეებს შესაძლებლობა აქვთ საკუთარი ინიციატივები და პროექტები ელექტრონულად წარადგინონ.

ფორუმზე გამოკვეთილ პრობლემებზე დაყრდნობით შემუშავებული იდეების განხორციელებისთვის შეიქმნა საინიციატივო ჯგუფები, რომლებიც განახორციელებენ ადვოკატირების კამპანიებს.

ფორუმი ორგანიზებულია განათლების განვითარების და დასაქმების ცენტრის (EDEC) მიერ, ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით.

„პროექტის მიზანი  წალკის მუნიციპალიტეტში არსებული პრობლემების: ცხოველების დაცვა და განათლების ხარისხის გაუმჯობესება  წვლილის შეტანა იყო“. –  ბარეთის საჯარო სკოლის საინიციატივო ჯგუფის ხელმძღვანელი მარიამ ელოშვილი
ტენდერი გამოცხადებულია განათლების განვითარების და დასაქმების ცენტრის პროექტის „უკრაინაში, მოლდოვაში, საქართველოსა და სომხეთში მცხოვრები ახალგაზრდების კარიერის მართვის და სოციალური მეწარმეობის უნარების განვითარება, სოციალური სტუდენტური
ქუთაისის ი.გოგებაშვილის პირველი საავტორო სკოლის  მე-11 კლასის მოსწავლე ელისაბედ გოშხეთელიანი, EDEC-ის მიერ შექმნილი ონლაინ სწავლების პლატფორმის elearning.edec.ge პირველი კურსდამთავრებულია, რომელმაც წარმატებით გაიარა ონლაინ კურსი „ყველაფერი
Skip to content