საქართველოს პრეზიდენტი, გიორგი მარგველაშვილი და პირველი ლედი, მაკა ჩიჩუა ქუთაისის შეზღუდული შესაძლებლობის მქონე ბავშვთა დღის ცენტრს ეწვივნენ.
სტუმრებმა დაათვალიერეს სასწავლო და თერაპიის ოთახები, გაეცნენ ცენტრის მუშაობის სპეციფიკას და ყოველდღიურ პროგრამებს, რომელიც ბენეფიციარების ფუნქციური და აკადემიური უნარების განვითარებისთვის ხორციელდება. სტუმრებმა ასევე მოინახულეს დღის ცენტრის ბაზაზე არსებული სოციალური საწარმო “ფარშევანგი”.
ვიზიტის დასასრულს, პირველმა ლედიმ პატარებს ზღაპარი “მძინარე მზეთუნახავი” წაუკითხა.
დღის ცენტრების პროგრამა ხორციელდება განათლების განვითარების და დასაქმების ცენტრის მიერ, საქართველოს შრომის ჯანმრთელობის და სოციალური დაცვის სამინისტროს, სსიპ – სოციალური მომსახურების სააგენტოს მხარდაჭერით.
