ქუთაისის მერიაში პროექტის შემაჯამებელი ღონისძიება გაიმართა

განათლების განვითარების და დასაქმების ცენტრმა, ქუთაისის მუნიციპალიტეტის მერიის მიერ მხარდაჭერილი პროექტის „შშმ პირთა ინდივიდუალურ უნარებზე დაფუძნებული პროფესიული განათლებისა და დასაქმების ხელშეწყობა“ შემაჯამებელი ღონისძიება გამართა.

ღონისძიების მონაწილეებს განათლების განვითარების და დასაქმების ცენტრის გამგეობის თავმჯდომარე ლიკა კილაძე და ქალაქ ქუთაისის მერის მოადგილე ნინო თვალთვაძე მიესალმა, რომლებმაც აქცენტი პროექტის მიზანსა და მის პრიორიტეტულობაზე გააკეთეს.

პროექტის მიზანს შეზღუდული შესაძლებლობის მქონე პირთა ინდივიდუალურ უნარებზე მორგებული პროფესიული განათლებისა და დასაქმების ხელშეწყობა წარმოადგენდა.

ღონისძიებაზე წარმოდგენილი იყო რვათვიანი პროექტის შედეგები:

• 37 შშმ პირის შრომითი და პროფესიული უნარები შეფასდა კვალიფიციური სპეციალისტის მიერ

• 30 შშმ პირმა გაიარა პროფესიული ორიენტაციის ტრენინგ–კურსი

• 10 შშმ პირმა გაიარა პროფესიული გადამზადების სრული კურსი, სერტიფიცირებისა და ვალიდაციის პროცესი და დაეუფლა მზარეულის, ფრჩხილის მოვლის, სასტუმროს საქმის სპეციალისტის პროფესიებს

• 7 შშმ პირი რეფერირდა პროფესიულ სასწავლებელში და ჩაერთო სასწავლო პროგრამაში მისთვის სასურველი პროფესიის დაუფლების მიზნით

• 6 შშმ პირი რეფერირდა სოციალური მომსახურების სააგენტოს ანაზღაურებადი სტაჟირების პროგრამაში, გაიარა რეალურ სამუშაო გარემოში სწავლება და აიმაღლა კვალიფიკაცია არჩეულ პროფესიაში

• 6 შშმ პირი რეფერირდა სოციალური მომსახურების სააგენტოს დასაქმების პროგრამაში

• 4 შშმ პირი დასაქმდა შრომის ღია ბაზარზე

შემაჯამებელ ღონისძიებაზე პროექტის ბენეფიციარებს სერტიფიკატები გადაეცათ.

30 ნოემბერს, ბათუმში, განათლების განვითარების და დასაქმების ცენტრმა (EDEC) აჭარის დასაქმების სააგენტოსთან პარტნიორობით (EAARA) პროექტის “ჩემი სახლის მმართველი – სწავლა მომავლისთვის დახურვის ღონისძიება გამართა.
„ორგანიზაციის დაარსების უპირველესი მიზანი ახალგაზრდებისთვის მოტივაციის და ბიძგის მიცემაა, ჩვენ, ახალი თაობა, დიდი ძალა ვართ და შეგვიძლია შეცვალოთ ირგვლივ არსებული არაჯანსაღი გარემო“  პროექტი „ახალგაზრდები
განათლების განვითარების და დასაქმების ცენტრი (EDEC) აცხადებს ახალგაზრდების სამოქალაქო ინიციატივების საგრანტო კონკურსს  მცხეთა-მთიანეთის რეგიონის საზოგადოებრივი და სათემო ორგანიზაციებისთვის, რეგისტრირებული საინიციატივო ჯგუფებისთვის და მედია ორგანიზაციებისთვის
Skip to content