ვალენტინა გოგიძემ დუალური განათლების მოკლევადიანი სასწავლო პროგრამა “სერვირება და სერვის პლიუსი” წარმატებით დაასრულა და ამჟამად ქალაქ გორში სუპერმარკეტების ქსელში “ჯიბე” გაყიდვების კონსულტანტის პოზიციაზეა დასაქმებული.
“პროგრამაში მონაწილეობა 2020 წელს მივიღე. გორის უნივერსიტეტში შევისწავლე თეორიული ნაწილი, ხოლო პრაქტიკული ნაწილი და სტაჟირების ეტაპი “ჯიბეში” გავიარე. სტაჟირების ვადის ამოწურვის შემდეგ დავსაქმდი ამავე სუპერმარკეტში.”
კოვიდსიტუაციამ და დაწესებულმა რეგულაციებმა ვალენტინა არ შეაშინა. ის აქტიურად აგრძელებს მუშაობას, დილით უზარმაზარი სუპერმარკეტისკენ ენერგიულად მიემართება, ხოლო საღამოს ერთი სული აქვს სახლში მივიდეს, სადაც მას პატარა ლიზი ელოდება.
დუალური პროფესიული განათლების სასწავლო პროგრამები, განათლების განვითარების და დასაქმების ცენტრმა (EDEC) ლტოლვილთა დანიის საბჭოსთან (DRC) ერთად, პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში, ევროკავშირის ფინანსური მხარდაჭერით განახორციელა.
