წარმატების ისტორია რაჭიდან

კარლი კობახიძე ამჟამად თიბისი ბანკში, მინი-ბიზნეს დაკრედიტების ექსპერტის პოზიციაზე მუშაობს.

“ჩემი დიდი სურვილია  ოჯახები მშობლიურ კუთხეებს დაუბრუნდნენ, ყველა სახლში ენთოს სინათლე და ბავშვების ჟრიამული ისმოდეს.”

პანდემიის პერიოდში ოჯახთან ერთად, დედაქალაქში ვცხოვრობდი.  გამოწვევებით სავსე პერიოდთან გამკლავება არავისთვის იყო მარტივი, მაგრამ, ხდება ისეც, რომ სწორედ რთულ დროს ვიღებთ ჩვენი ცხოვრების საუკეთესო გადაწყვეტილებებს. ჩემ შემთხვევაშიც ასე მოხდა და მშობლიურ რაჭას დავუბრუნდი.  რეგიონებს თბილისთან შედარებით  უჭირთ. ნაკლები შესაძლებლობებია, თუმცა  არ შემშინებია. მჯერა რომ ძლიერ და მიზანდასახულ ადამიანებს ყოველთვის შესწევთ უნარი დაბრკოლებების მიუხედავად გზა განაგრძონ.  ძალიან განვიცდი მიტოვებულ მამაპაპისეულ სახლებს რომ ვხედავ. სახლი პატრონის გარეშე სევდიანი და ცარიელია.  ახალგაზრდებმა უნდა შევქმნათ შესაძლებლობები, ოჯახები მშობლიურ კუთხეებს დაუბრუნდნენ, ყველა სახლში ენთოს სინათლე და ბავშვების ჟრიამული ისმოდეს. ჩემი დაბრუნების ერთ-ერთი მთავარი მიზეზი სწორედ ეს იყო –  მინდოდა სხვებისთვისაც სტიმული მიმეცა.

დაბრუნების შემდეგ, მალევე სამუშაოს ძიება დავიწყე. დროის გაცდენა არ მინდოდა, ძალიან აქტიური ადამიანი ვარ. ვთვლი რომ მოძრაობა უკვე წარმატებაა და ადრე თუ გვიან შედეგს მოიტანს. ხშირად ვადევნებდი თვალს სოციალურ ქსელებში დასაქმების შესაძლებლობებს და ასე გავიგე დასაქმების ცენტრის შესახებ. ადგილზე მისვლა და გასაუბრება გადავწყვიტე. საბანკო სფეროში 2 წლიანი გამოცდილება მქონდა, შესაბამისად მინდოდა ამ მიმართულებით მეპოვა სამსახური. დასაქმების კონსულტანტებს ჩემი ინტერესების შესახებ მოვუყევი და სამუშაოს მაძიებელთა ბაზაში დავრეგისტრირდი.  შეხვედრის შემდეგ,  გამიჩნდა განცდა რომ სასურველი ვაკანსია მალე  გამოჩნდებოდა და მეც ამ შანსს გამოვიყენებდი. ასეც მოხდა, ცენტრიდან რამდენიმე კვირაში დამიკავშირდნენ და დამსაქმებელთან გასაუბრებაზე გამგზავნეს. წარმატებული ინტერვიუს შემდეგ თიბისი ბანკში, მინი-ბიზნეს დაკრედიტების ექსპერტის პოზიციაზე დავსაქმდი და რეგიონის მასშტაბით 50000 ლარამდე უზრუნველყოფილ ბიზნესს სესხებს გავცემ. ვფიქრობ აქ დასაქმება ორმაგად პროდუქტიულია. მაქვს სტაბილური შემოსავალი და რაც ყველაზე მთავარია, ჩემი რეგიონის მკვიდრებს ახალი ბიზნესის დაწყებაში ან არსებულის გაძლიერებაში ვეხმარები.

„პროექტის მიზანი  წალკის მუნიციპალიტეტში არსებული პრობლემების: ცხოველების დაცვა და განათლების ხარისხის გაუმჯობესება  წვლილის შეტანა იყო“. –  ბარეთის საჯარო სკოლის საინიციატივო ჯგუფის ხელმძღვანელი მარიამ ელოშვილი
ტენდერი გამოცხადებულია განათლების განვითარების და დასაქმების ცენტრის პროექტის „უკრაინაში, მოლდოვაში, საქართველოსა და სომხეთში მცხოვრები ახალგაზრდების კარიერის მართვის და სოციალური მეწარმეობის უნარების განვითარება, სოციალური სტუდენტური
ქუთაისის ი.გოგებაშვილის პირველი საავტორო სკოლის  მე-11 კლასის მოსწავლე ელისაბედ გოშხეთელიანი, EDEC-ის მიერ შექმნილი ონლაინ სწავლების პლატფორმის elearning.edec.ge პირველი კურსდამთავრებულია, რომელმაც წარმატებით გაიარა ონლაინ კურსი „ყველაფერი
Skip to content