23 წლის რუსუდან ბარამიშვილი ვეტერინარ–ტექნიკოსის დუალური პროფესიული განათლების სასწავლო პროგრამის ერთ–ერთი წარმატებული კურსდამთავრებულია. მას ცხოველების სიყვარულმა გადააწყვეტინა ვეტერინარიის შესწავლა.

რუსუდანმა კოლეჯიდან შეიტყო პროგრამის შესახებ, წარმატებით გაიარა გასაუბრების ეტაპი და ამგვარად დაიწყო მისი პროფესიული განვითარებისთვის მნიშვნელოვანი თეორიული და პრაქტიკული მეცადინეობები. ,,კოლეჯში საფუძვლიანად გავდივართ ვეტერინარიის კურსს, მაგრამ პროგრამამ მეტწილად შემიწყო ხელი სწორედ პრაქტიკული მუშაბოთ უკეთესად გავცნობოდი სფეროში არსებულ სიახლეებს. ჩვენს პროფესიაში განსაკუთრებით მნიშვნელოვანია პრაქტიკული მეცადინეობები. ’’

პროგრამის ფარგლებში რუსდანმა ქალაქ გორში არსებულ ვეტერინარულ აფთიაქში „Pet Store” სტაჟირება გაიარა და დასაქმდა. დღეს ის საყვარელ საქმიანობას ეწევა – ცხოველებზე ზრუნავს.

ვეტერინარ–ტექნიკოსის დუალური პროფესიული განათლების სასწავლო პროგრამას განათლების განვითარების და დასაქმების ცენტრი (EDEC) და ლტოლვილთა დანიის საბჭო (DRC), პროექტის „ევროკავშირი ახალგაზრდებისთვის – ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ფარგლებში, ევროკავშირის ფინანსური მხარდაჭერით ახორციელებს.