25 აპრილს თბილისში, ორბელიანის მოედანზე, სოციალურ საწარმოთა ალიანსმა სააღდგომო ბაზრობა გამართა, რომელშიც განათლების განვითარების და დასაქმების ცენტრის ინიციატივით შექმნილმა ორმა სოციალურმა საწარმომ “ფარშევანგი” და “იალონი” მიიღო მონაწილეობა.
სააღდგომო ბაზრობა მიზანად ისახავდა სოციალური საწარმოების ეკონომიკურ გაძლიერებას პანდემიით გამოწვეული კრიზისის პირობებში.
სოციალურმა საწარმომ “ფარშევანგი”, რომელიც ქუთაისში მდებარეობს და ხელს უწყობს შეზღუდული შესაძლებლობების მქონე და სოციალურად დაუცველი პირების სოციალურ-ეკონომიკურ ინტეგრაციას, სააღდგომოდ, ქვილინგის ტექნიკით დამზადებული მისალოცი ბარათები წარმოადგინა.
“იალონი” შშმ პირების სოციალურ-ეკონომიკური მდგომარეობის გაუმჯობესებას ისახავს მიზნად. სოციალურმა საწარმომ სააღდგომო თემატიკის მრავალგეროვანი ხელნაკეთი სუვენირები წარმოადგინა.
სააღდგომო ბაზრობაზე 17–მა სოციალურმა საწარმომ მიიღო მონაწილეობა.
