დარეჯან ცირამუა, ამჟამად ნატახტარში,  ფუდ ალიანის საწარმოში მცხობელის პოზიციაზე მუშაობს. 

თბილისიდან 28 კილომეტრში, ნატახტარში,  ფუდ ალიანსის საწარმოში ვმუშაობ.  სოფელ ხურვალეთის მკვიდრი ვარ – იძულებით გადაადგილებული პირი.  2008 წლის 6 აგვისტოს პატარა ლიახვის ხეობიდან, სოფელი ქსუისიდან ერთი თვის ბავშვთან ერთად ომს გამოვექეცი და მას შემდეგ, ოჯახთან ერთად ხურვალეთის დევნილთა დასახლებაში ვცხოვრობ. 

დასაქმების პროექტისა და  ორგანიზაციის სერვისების შესახებ ინფორმაცია სოფელ ხურვალეთში, ერთ- ერთ საინფორმაციო შეხვედრაზე შევიტყვე. ადგილზევე გავიარე ინდივიდუალური კონსულტაცია. დასაქმების კონსულტანტებმა იმ დღესვე შემომთავაზეს  დასაქმება საწარმო ფუდ ალიანსში მცხობელის პოზიციაზე, რაც ჩემთვის საინტერესო აღმოჩნდა. განათლების განვითარების და დასაქმების ცენტრი გორის ფილიალი თავიდან ბოლომდე  ჩართული იყო,  როგორც გასაუბრების, ისე დამსაქმებელსა და ჩემ შორის კომუნიკაციის პროცესში.  სწორედ ცენრის წარმომადგენლები დამეხმარენ გასაუბრებამდე გამეარა  CV ტრენინგი, შემესწავლა გასაუბრების ტექნიკები და წარმატებით დავსაქმებულიყავი. დღემდე სტაბილურად ვმუშაობ  საწარმოში  და ვფიქრობ ერთ-ერთი წარმატებული თანამშრომელი ვარ.  

სამსახურში მისასვლელად  ყოველ დღე დიდი მანძილის გავლა მიწევს, რადგან სოფელში სამუშაო ადგილები, ფაქტობრივად არ არსებობს. გზაში 45 წუთი მაინც მეკარგება, რასაც, თავის მხრივ, ტრანსპორტის ხარჯებიც სდევს, თუმცა იმის გამო  რომ ჩემთვის სამსახური ძალიან ძვირფასია, მზად ვარ ამ დაბრკოლებების გადასალახად.