განათლების განვითარების და დასაქმების ცენტრის დამოუკიდებელ ორგანიზაციად ჩამოყალიბებას წინ უძღვის „ქუთაისის ახალგაზრდული სათემო ცენტრის“ სახელით სამწლიანი მუშაობის ისტორია. ახალგაზრდული სათემო ცენტრი World Vision საქართველოს მიერ 2004 წელს დაარსდა და საქართველოს მთავრობის დეინსტიტუციონალიზაციის რეფორმის მხარდაჭერას ემსახურებოდა, რაც ბავშვთა სახლების რეორგანიზაციას, ბავშვთა მიტოვების პრევენციას, მათ შვილობილობასა და ალტერნატიული ზრუნვის სერვისებში ჩართვას გულისხმობდა. სათემო ცენტრი ადმინისტრირებას უწევდა საპილოტე მცირე საოჯახო ტიპის სახლებს“, სადაც ბავშვთა სახლების ყოფილი აღსაზრდელები სრულწლოვანებამდე ოჯახურ პირობებთან მიახლოებულ, მზრუნველ გარემოში ცხოვრობდნენ. ცენტრი სოციალურად დაუცველ ოჯახებს აძლიერებდა, ეხმარებოდა საარსებო წყაროების მოძიებასა და ეკონომიკური თვითკმარობის მიღწევაში.

განათლების განვითარების და დასაქმების ცენტრი დამოუკიდებელ ორგანიზაციად 2008 წლის 10 იანვარს ჩამოყალიბდა. მას შემდეგ ორგანიზაცია ახალგაზრდების სოციალურ-ეკონომიკური მდგომარეობის გაუმჯობესების, სათემო ჩართულობის ამაღლების, საზოგადოების სრულფასოვან წევრებად ჩამოყალიბების და რეგიონში სოციალურ–ეკონომიკური მდგომარეობის გაუმჯობესების მიმართულებებით აქტიურად მუშაობს. 2017 წელს რებრენდირების შემდეგ, ცენტრი ბენეფიციარებსა და პარტნიორებს განახლებული იმიჯითა და შემართებით ემსახურება.

დღეს განათლების განვითარების და დასაქმების ცენტრი უკვე მთელი ქვეყნის მასშტაბით მუშაობს სამოქალაქო საზოგადოების განვითარების, განათლების, სოციალური სერვისების განვითარების და ეკონომიკური განვითარების მიმართულებით. სათავო ოფისი ქუთაისში მდებარეობს, ხოლო ოფისები/წარმომადგენლობები –ზუგდიდში, გორში, თერჯოლაში, სამტრედიასა და საგურამოში.

გასული წლების განმავლობაში განათლების განვითარების და დასაქმების ცენტრმა დააგროვა, როგორც სოფლად, ისე ქალაქად მუშაობის ფასდაუდებელი გამოცდილება უფლებების დაცვის, განათლების, დასაქმების, მცირე და საშუალო ბიზნესის განვითარების, სოციალური მეწარმეობის ხელშეწყობის, ადვოკატირებისა და საზოგადოების ცნობიერების ირგვლივ. ორგანიზაციის ისტორია 60-ზე მეტ წარმატებით განხორციელებულ პროექტს ითვლის. ცენტრი 50–ზე მეტ ადამიანს ასაქმებს. დღეს განათლების განვითარების და დასაქმების ცენტრი ინსტიტუციონალურად ძლიერი ორგანიზაცია